薯忠，何許人？

民記許志忠是也! (click for original file with photos)

因上國語堂學到“許”的發音是“ 薯”， 全班大笑而得名。薯忠亦樂也，一叫三十多年，歲月彷如流水。


想當年的薯忠，愛踢足球、打乒乓，及望啡色 Tobacco 波鞋，但不習水性，每次去大清、小清、赤柱，阿阮等抬艇去，薯忠例必坐艇。就係咁坐下，佢就漂洋過海，去了日本早稻田，忘了波鞋，搞定佢夫人（係香港人），之后又再坐坐下，去了加拿大多倫多，成為基因博士，光耀我民記。


薯教授在加拿大教了好幾年書，悶悶地就去醫院做 Research，Head 哂人地個R&D，管成班老外，仲絡港大等搞搞震。佢可以100%專心致志地去做佢喜愛的基因事業，原因在於佢找到一位非常能幹、高效、聰慧同..薯忠百分百支持的好老婆，而且是趁早成婚，薯教授有老婆做司機，連手提電話都不用帶，抵佢成功。..個故事同倪仔咁相似，難道是民記教的？


睇相佬話大眼睛的人感情豐富，薯忠眼大大，眼碌碌，果然全中。他是我們這一屆移民外國的同學中返港聚頭吃飯最多的一位。Model、阿秦、阿陸等每次都安排得很好，大家同陳老師都很開心。早在1988年薯忠便已帶同他的愛侶與我們去窩記附近飲茶說笑。有一年阿秦去加拿大旅遊。薯忠便招呼阿秦一家大小住他那裡， 一盡地主之誼。各位醒目同學，知掟啦。

去年12月薯忠回港，Model 安排大家在遊艇歡樂一霄，還找來三十年無見， 中六加盟民記的美玲姐出席。美玲現在貴為人婦，.享點清福，打其風流工，港大的 Archi 亦不致拋諸九霄雲外。半年后薯忠又回來，阿秦話：民記飯堂“南記”2008年6月6日啦 。

今次 Model 又出招找來個特別家賓：柯憶正 and 鄧大倫。

鄧大倫，何許人？相信大家唔認識大倫都認識大蚊（鄧大文），兩位都唔識就好打有限。.查實大倫係大蚊的真正大佬，.唔係社團個種。大倫同大蚊唔似都唔係兄弟，唔只樣貌相似，大家都是才子，相信大家當日都有認錯過了罷。席間大倫重自爆當日選學生會時因此而得了不少的效益票，相繼當選。今日大倫貴為 HSBC 的 IT Compliance Manager 當然要事事執到正。好在當晚有幾位佳人未能出席，不然的話才子佳人，相得益彰，一發不可以收拾，南記關門都重未散得。

柯憶正，小時又名“失憶症”，查實他一點也不失憶。家在九龍城離校很近（聯合道和賈丙達道轉角）開士多。每多請我們吃「發達糖」。阿秦話細個時發現兩粒發達糖去紙后可以如磁石般黏在一起。不單覺得神奇，還做了不少發達夢，長大後終於發了達。四十年未見，今天的柯憶正已是專業的小提琴師，演奏、教琴和請小朋友吃發達糖。

不知何解，每次南記之日，小文、肥文、 豬炳等就會另開夜市飯局。南記散席后帶了薯忠趕下場，等他重溫當日在香港營營役役的日子。今趟飯局的理由是協助安排及大力鼓勵鄭醫生下個月假期去珠海打其處女大草場十八洞〈高而富〉 (golf) 的籌備會議。於是薯忠便被押了上富臨，雖然主題及焦點突然改了，但最重要的是：大家都飲到不知所蹤，盡慶而回。

三十功名不過塵與土，八千里路總有雲和月，寄望都能見到大家安康和歡笑。

編劇：劉聰敏
導演：秦德超（包攝影、錄音）

LIFE AT 50

Watch FIVE FOR FIGHTER - 100 years

"It is possible that we will start really, really to live life at 50."
It has taken me almost 40 some years to figure out the above statement can be true.
When you are young, you waste a lot of years away because it seems that you still have much to lose. When you have nothing to lose, you start to truly live.

When you have things to lose, you are simply trying to control or hold onto whatever you have in afraid of losing it(them). You become bondage to your "things".

Shred some of your belongings and start living!
A sage by the name of Jesus once said, "If you gain the whole world but lose your soul through the process, what is that to you?"

As I grow older, this saying starts to make much sense. Growing old does not have to be depressing but it can be full of joy and peace.

告別莊表康老師

親愛的莊老師，

因你在音樂上的教導，提高了我的音樂觸覺，使音樂成為今天我家中的共通語言和舒發工具。多謝你在民生四十年的勞力和忠心。
因你每次來多倫多也主動找我一聚，讓我從你身上學會人情世故，使我體會民生的情意。也是msc78.blogspot.com 誕生原因之一。多謝你的真情和坦白。

兩年前見面的一席話裡，你不斷感謝民生對你的愛護，又說到這是可能民生是基督教學校的緣故。你實在是民生的大使，也是基督的使者。但當日使我覺得最難接受的是你說到，“這次可能是最後一次與你見面。”想不到是竟然成真。

安息吧！民生的大使！

Green Fields - The Brothers Four

Anyone remembering this song? We sang it in Form 5?

轉眼三十年

今年大女兒將進大學。回想一下，當年離開民生也正是大女兒的年紀。感慨萬分。最後一次在香港是1985年的暑期。一直都未有踏足太平洋的另一岸。時常收到大家的 Email 與團聚新聞，挑起美好回憶。盼望大家多用此blog 來通訊及訴心聲。

不再肥的肥汪

倪仔返咗黎, 好熱鬧, Ｏ八年三月二十日大家喺南記大宴.

我話如果你唔係在南記見到Leo, 而係唔覺意係街上同佢擦身, 你一定唔會認返Leo.
因為佢高咗, 仲大隻咗. 唯有佢個招牌笑容同幅眼鏡style, 先可以confirm佢身份.

倪仔話我地變了, 我地又覺得佢都變了. 呀! 或者我地就好似D樹葉咁, 由青色到深綠
色到黄色再到深死啡色, 本質無變, 我地只不過係深化咗, 唔係變咗?

賽前Dr阮, 阿秦, 阿陸同我一齊预測Leo會帶同佢個SuperWoman來, 果然全中. 佢太太
Lily, 雖然成晚無講幾句, 但以我縱橫大江南北的睇人經驗, Lily個相係100%賢妻良
母, 相夫教子係佢強項. Leo & Lily, 睇個名就知 佢地好夾. Leo今日的成就唔小野,
大家都鄧佢高興. 佢老婆一定是幕後果個女人啦.

Leo有幾成功? 佢家下在NewYork做生意, 簡单Ｄ講係開一間好似388港交所的交易公
司, 在NewYork做mutual funds 的exchange平台, 客户就係美林, 大摩等各大行. Leo
間公司開發exchange software, 厲害.

但話時話, 無論你在外面幾高幾低, 入咗南記就好似入咗周潤發個間和平飯店一樣, 全
部由老闆”樂死”照. 當晚我地同樂死撑, 都撑唔嬴佢. 係南記最高興系陳老師, 由
頭笑到尾, 全程忘我, “服”. 而當輝記現身時, 全場起哄. 好姐立刻打開佢岩岩買
的Brandnew Video Cam, 分明想拍低li個世紀場面, 擺上Youtube, 可惜部機太新唔識
用, 我地唯有等阿秦D相啦.

阿陸同我就立刻彈開, 騰出一個位俾輝哥, li個位of course is sit beside Leo. 只
見輝哥打個电話俾佢honey, 温柔幾句就pass個手機比Leo. 就在這刻, 阿廖緊張到連挾
住件雞都跌左落枱面. Leo好簡單稱呼對方”高妹”, 又請問對方可否來南記, 講幾句
就掛了. Leo同輝哥真係大俠相逢, 彈指間, 觀眾都散哂, 如醉如癡. Leo 就馬上提出
佢句”免責聲明”, [佢巳經confess左, 佢記性唔好, 以前矇矇吓]. Li個聲明好似提
佢老婆多過講比我地聽.

阿蔡(德康)成晚同大家斟酒, 又話飲酒有益, 擺明要Leo同輝記酒后吐真言. 春霄苦短,
午夜時份大家都要告退, 而這時亦係阿丙出動的時侯. 由阿秦call, Leo 叫, 佢馬上出
發黎南記. Cool 妹唔黎得. 嘩, 我地班男生真fit, 搞到D妹妹個個看家, cool 妹,
高妹 全部留守, 自己就出黎威. 至於午夜各男: Leo, 秦, 陸, 丙, 樂死, 有何搞作就
不得而知.

三十功名塵與土, 八千里路雲和月. 我地等Model, 班長George, 校長等人design一下
三十年活動大計, 到時再玩.



報告人: 劉聰敏

吓, 水魚博士?

唔通係生物學家? 又或者係超級水魚, 舖舖俾人魚肉的水魚之王 ? 我唔明, 揾阿秦解. 佢話水魚博士，就係我地同學黄永信博士, 上面兩個答案都錯.

原來水魚係十幾年前去咗美國讀Geo架 (geography), 讀完Master再讀Doctor, 成為Professor, 仲同美國前總統克林頓做埋校友. 我地真係好高興又多個教授級書友. 今次返黎香港係去[浸大]講野, 題目係: “空間分析方法上gar一D問題探討”, 淨睇條題都知道好深. MSC78級馬上揾咗校長梁桂英, 趙惠芬等幾位才女級同學去摸底. 佢地好客氣咁回話, 對教授個Topic唔認識. 如果水魚無料到, 又點會出黎做學術Talk Show呀. 佢真係好堅. 我地聽唔明都好正常.



佢去浸大講野, 係應我地舊日位老師黄冠貴的邀請. Geo架黄老師巳雋身大學数授, 係[浸大] 地理糸打晒骰. 回想中三果年就係我地人生第一次做Project. 當時在OK Sir的指導下, 成二百幾人走出去唔同旣航空公司, 旅行社, 領使館之類去拿人家的書仔回來翦翦貼貼, 做Geo架project. 嚇到D公司要提早到四點拉閘. 今天科技發展一日千里, 將畫紙巳經變咗做Powerpoint的template, 翦貼工作就係cut and paste, 真係令我地好懷念OK Sir咁有眼光同咁前位的教育法.

水鱼同OK Sir現在都係Professor Wong, 真係咁橋. 佢地一個在香港, 一個在美國Washington DC 左近, 都係大學Geo架系大佬. 而且又好緊密聯系, 我稔佢地一定系互助切磋, 搞佢地既天地. 两位大教授亦師亦友, 難能可貴, 係真英雄本色.

江湖傳聞, 話OK sir 係民記教水魚時好激好勵, Tart着咗佢對Geo架的心火. 是否屬實, 就要向當事人求証.



今次桂英出咗好多力, 奶良又用email發功, 於是南記樂仔馬上擺枱設宴, 不到24小時就開席, 2008年4月11日两位教授都有黎. 好可惜我今趟未能参加見見两位, 搞清楚我要求証的傳聞. 據在場人仕講. 係十一點後, 肥文, 小文等班”賊”殺到, 話要帶水魚博士去威. Of course, 大家都好happy, 好High.

唔知下一位又會係邊個同學返黎玩吓呢?


出口: 秦德超
出手: 劉聰敏